Մոսկվան առաջարկում է վերադառնալ դոլարին. Bloomberg

Bloomberg գործակալության փոխանցմամբ՝ Կրեմլը պատրաստել է հուշագիր, որով առաջարկվում է վերականգնել դոլարով հաշվարկները՝ ԱՄՆ-ի հետ տնտեսական համագործակցությունը ընդլայնելու նպատակով։ Փաստաթուղթը, ըստ աղբյուրի, նախատեսված է ԱՄՆ նախագահ Դոնալդ Թրամփի վարչակազմի համար և շրջանառվել է ռուս բարձրաստիճան պաշտոնյաների շրջանում։

Հրապարակման համաձայն՝ յոթ կետերից մեկով նախատեսվում է դոլարային համակարգի կիրառումը նաև ռուսական էներգակիրների առևտրում։ Գործակալությունը նշում է, որ նման քայլը կարող է նշանակել արտաքին տնտեսական քաղաքականության էական փոփոխություն։

Փաստաթղթում հիշատակվում են նաև նավթի և հեղուկացված բնական գազի համատեղ նախագծեր, համագործակցություն հումքային ռեսուրսների, ատոմային էներգետիկայի և արհեստական բանականության ոլորտներում, ինչպես նաև պայմաններ ամերիկյան ընկերությունների վերադարձի համար։ ՌԴ նախագահի մամուլի քարտուղար Դմիտրի Պեսկովը չի մեկնաբանել հրապարակումը։