Հունգարիան պատրաստ է միլիոններ վճարել՝ միգրանտներին երկրից դուրս հանելու համար. Օրբան

Հունգարիայի վարչապետ Վիկտոր Օրբանը հայտարարել է, որ Բուդապեշտը պատրաստ է վճարել Եվրամիության կողմից սահմանվող մեկ միլիոն եվրոյի օրական տուգանքը, եթե դա թույլ տա չընդունել ապօրինի միգրանտներին։ Նրա խոսքով՝ կառավարությունը չի պատրաստվում փոխել իր քաղաքականությունը միգրացիոն հարցերում։

Օրբանը սոցիալական հարթակում գրել է, որ ԵՄ-ի պահանջած գումարը «վճարելի է», եթե դրա դիմաց երկիրը կարող է պահպանել իր անվտանգությունը։

«Լավ է վճարել, քան ապրել վախի մեջ»,– նշել է նա՝ ընդգծելով, որ երկրի առաջնահերթությունը սահմանների վերահսկողությունն է։

Վարչապետը նաև դիմել է օտարերկրյա զբոսաշրջիկներին՝ առաջարկելով  Հունգարիա այցելել նախատոնական շրջանում և տեսնել Եվրոպան «այնպիսին, ինչպիսին, ըստ նրա, պետք է լինի»։