Աթենքի և Անկարայի միջև առանց այն էլ լարված հարաբերությունները սրվել են 2020 թվականին` միգրացիոն ճգնաժամի և Էգեյան ու Միջերկրական ծովերում ռեսուրսների արդյունահանման իրավունքների շուրջ վեճերի պատճառով: 
Թուրքիայի կողմից Հունաստանի սահման տանկեր ուղարկելու մասին լուրերը չեն համապատասխանում իրականությանը: Այս մասին տեղեկացնում է «Անադոլու» գործակալությունը` հղում տալով սեփական աղբյուրներին: 
Ավելի վաղ լրատվամիջոցներում լուրեր էին տարածվել, որ Թուրքիան տանկեր է ուղարկում հարավարևելյան Հաթայ նահանգից  դեպի Հունաստանին սահմանակից Էդիրնե: 
Թուրքական աղբյուրը պնդում է, որ լուրերը չեն համապատասխանում իրականությանը, պարզապես զորավարժություններ են տեղի ունեցել, որոնց շրջանակներում որոշակի ռազմական տեխնիկայի տեղաշարժ է տեղի ունեցել: