Զախարովան մեկնաբանել է Կիևում ԵՄ շենքի վնասը ռուսական բանակի հարվածից հետո
Ռուսաստանի զինված ուժերը հարվածներ են հասցնում միայն Ուկրաինայի զինված ուժերի ռազմական օբյեկտներին և օժանդակ կառույցներին, իսկ քաղաքացիական ենթակառուցվածքներին հասցված վնասը Ուկրաինայի ՀՕՊ համակարգերի աշխատանքի արդյունք է։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան՝ մեկնաբանելով Կիևում ԵՄ ներկայացուցչության շենքի վնասման մասին հաղորդագրությունները, հաղորդում է ՏԱՍՍ-ը։
Իր հայտարարության մեջ դիվանագետը ընդգծել է, որ ռուս զինվորականները խստորեն հետևում են բարձր ճշգրտության զենքի նպատակային կիրառման սկզբունքներին։ Նրա խոսքով՝ քաղաքացիական օբյեկտներին հասցված ցանկացած վնաս տեղի է ունենում ուկրաինական ՀՕՊ համակարգերի ակտիվացման կամ էլեկտրոնային պատերազմի կիրառման արդյունքում։
