Խարկովը ռմբակոծվել է․ զոհերի թվում երեխա կա
Ռուսները անօդաչու թռչող սարքերով հարձակվել են Խարկովի արդյունաբերական թաղամասի վրա։ Անօդաչուներից մեկը հարվածել է բնակելի շենքին, ինչի հետևանքով հրդեհ է բռնկվել երկու մուտքերում։ Ավելի ուշ հայտնվեցին տեղեկություններ զոհվածների մասին։ Հարվածի հետևանքով զոհվել է մեկ երեխա և մեծահասակներ, իսկ տասնյակից ավելի մարդիկ վիրավորվել են։ Այս մասին հայտնել է RBC-Ukraine-ն՝ հղում անելով Խարկովի քաղաքապետ Իգոր Տերեխովի Telegram-ին։
Միաժամանակ, Խարկովի տարածաշրջանային պետական վարչակազմի ղեկավար Օլեգ Սինեգուբովը հայտնել է, որ մահացածը 2 տարեկան տղա է։
Նշենք նաև, որ վերջին տվյալներով՝ փլատակներից դուրս է բերվել ևս մեկ մարդ։ Բարեբախտաբար, նա ողջ է եղել։
