Ավտովթարի զոհ է դարձել «Լիվերպուլի» կիսապաշտպանը

Մահացել է Ֆուտբոլի Պորտուգալիայի ազգային հավաքականի և «Լիվերպուլի» կիսապաշտպան Դիոգո Ժոտան։ 

Պորտուգալացի «Լիվերպուլի» թևային Դիոգո Ժոտան մահացել է Իսպանիայի արևմուտքում գտնվող Սամորա նահանգում տեղի ունեցած ավտովթարի հետևանքով, հաղորդում է հայտնի Marca առցանց հրատարակությունը։ Ֆուտբոլիստը 28 տարեկան էր։ Նրա եղբայրը մահացել է «Մերսիսայդցիների» խաղացողի հետ միասին։

Ժոտան առավել հայտնի է «Լիվերպուլի» կազմում իր ելույթներով։ Այս ակումբի կազմում պորտուգալացին դարձել է Անգլիայի չեմպիոն, նվաճել երկրի գավաթը և Անգլիայի լիգայի գավաթը։ Դիոգոն «Կարմիրների» կազմում խաղացել է 2020 թվականից։ Նախկինում պորտուգալացի ֆուտբոլիստը խաղացել է «Վուլվերհեմփթոնի», «Մադրիդի Ատլետիկոյի», «Պորտուի» և «Պասոս դե Ֆերեյրայի» կազմում։

Պորտուգալիայի հավաքականի հետ Ժոտան երկու անգամ հաղթել է ՈՒԵՖԱ-ի Ազգերի լիգան։