Մեծ Բրիտանիայում մարդիկ ինքնասպան են եղել փոստային բաժանմունքի անսարքության պատճառով

 Մեծ Բրիտանիայի փոստային բաժանմունքում տեղի ունեցած սկանդալի հետևանքով մարդիկ են ինքնասպան եղել։

Սկանդալի հանրային հետաքննությունը գլխավորող թոշակառու դատավոր Ուին Ուիլյամսը երեքշաբթի հրապարակված զեկույցում հայտարարել է, որ 13 մարդ ինքնասպան է եղել փոստային բաժանմունքի հաշվապահական համակարգի անսարքության պատճառով, որն, ըստ նրանց ընտանիքների, մասնաճյուղերի հաշիվներում թվացյալ պակասորդներ է ցույց տվել, որի արդյունքում հ ապօրինաբար հետապնդվել կամ դատապարտվել են քրեական հանցագործությունների համար: Այս մասին հաղորդում է Associated Press գործակալությունը:

Պետական ​​​​սեփականություն, բայց մասնավոր բիզնես հանդիսացող փոստային բաժանմունքում առկա խնդիրները հայտնի են տարիներ շարունակ։

Ընդհանուր առմամբ, զեկույցում նշվում է, որ սխալ տեղեկատվության հիման վրա քրեական պատասխանատվության է ենթարկվել և դատապարտվել մոտ 1000 մարդ։ Այդ ժամանակվանից ի վեր կառավարությունն օրենք է ընդունել՝ դատավճիռները չեղյալ համարելու և տուժածներին փոխհատուցում վճարելու համար։