Տեխասում ջրհեղեղի զոհերի թիվը շարունակում է աճել

Տեխասում ջրհեղեղի զոհերի թիվը հասել է 78-ի, հայտնում են ԶԼՄ-ները։ Հատկապես տուժել է Քեր շրջանը, որտեղ զոհվել է 68 մարդ, այդ թվում՝ 28 երեխա։

Հուլիսի 6-ի երեկոյան դրությամբ կա առնվազն 41 անհետ կորած, այդ թվում՝ 10 երեխա։ ԱՄՆ նախագահ Դոնալդ Թրամփը տարածաշրջանում արտակարգ դրության է հայտարարել:

Հիշեցնենք` հուլիսի 5-ին ԱՄՆ–ի Տեխաս նահանգում տեղի է ունեցել վերջին 25 տարվա մեջ ամենամեծ ջրհեղեղը։ Գվադալուպե գետի մակարդակը մի քանի ժամում բարձրացել է մինչև 8 մետր։ Ջրի հոսքը վնասել է տներ ու մեքենաներ։ Ավելի վաղ նշվում էր 50 զոհի մասին։

Նշենք՝ ՀՀ ԱԳՆ-ն ցավակցություն է հայտնել զոհերի ընտանիքներին և բոլոր տուժածներին։