Մեդվեդևը՝ Իրանին միջուկային զենք մատակարարելու մասին
Որոշ երկրներ պատրաստ են իրենց միջուկային զենքը հանձնել Թեհրանին ԱՄՆ-ի կողմից Իրանին մեկ գիշերվա հարվածներից հետո։ Այս մասին իր տելեգրամյան ալիքում գրել է ՌԴ Անվտանգության խորհրդի փոխնախագահ Դմիտրի Մեդվեդևը՝ մեկնաբանելով Վաշինգտոնի արարքի հետևանքները։
«Մի շարք երկրներ պատրաստ են ուղղակիորեն Իրանին մատակարարել իրենց միջուկային զենքը»,- պնդում է ՌԴ Անվտանգության խորհրդի փոխնախագահը։
Հիշեցնենք՝ Ռուսաստանի արտաքին գործերի նախարար Սերգեյ Լավրովը՝ մեկնաբանելով Իրանին Իսրայելի հասցրած հարվածներն ասել էր, որ «Իրանի ինքնապաշտպանության իրավունքի կիրառումը՝ առանց Միավորված ազգերի կազմակերպության Կանոնադրությունը հաշվի առնելու, կհանգեցնի լիակատար քաոսի»։
