Իրանը ԱՄՆ-ին մեղադրել է միջազգային իրավունքը խախտելու մեջ՝ միջուկային օբյեկտներին հասցեագրված սպառնալիքների համար

Իրանի ԱԳՆ պաշտոնական ներկայացուցիչ Էսմայիլ Բաղային հայտարարել է, որ ԱՄՆ-ի կողմից Իրանի խաղաղ միջուկային օբյեկտներին հասցեագրված հարձակումների սպառնալիքները կոպտորեն խախտում են միջազգային իրավունքը։

«ԱՄՆ-ի կողմից Իրանի խաղաղ միջուկային օբյեկտների դեմ կրկնվող հարձակումներն ու սպառնալիքները ոչ միայն ՄԱԿ-ի կանոնադրության, միջազգային իրավունքի, Ատոմային էներգիայի միջազգային գործակալության և ՄԱԿ-ի Անվտանգության խորհրդի համապատասխան որոշումների ակնհայտ խախտում են, այլև վկայում են Իրանի գիտական առաջընթացի և տեխնոլոգիական զարգացման նկատմամբ Վաշինգտոնի խոր արմատացած թշնամական վերաբերմունքի մասին», — գրել է Բաղային X սոցիալական ցանցում։

Ավելի վաղ ԱՄՆ նախագահ Դոնալդ Թրամփը հայտարարել էր, որ ամերիկյան զինված ուժերը պատրաստվում են հարվածել Իրանի ենթադրյալ նոր միջուկային օբյեկտին։