Ադրբեջանի ԱԳՆ-ն հայտարարություն է տարածել
Մենք խորը մտահոգություն ենք հայտնում Իրանի Իսլամական Հանրապետության միջուկային օբյեկտների դեմ ԱՄՆ-ի կողմից ձեռնարկված ռազմական գործողություններից հետո իրավիճակի հետագա սրման կապակցությամբ։ Այս մասին ասվում է Ադրբեջանի արտաքին գործերի նախարարության հայտարարության մեջ՝ կապված Իրանի միջուկային օբյեկտների վրա ԱՄՆ-ի հարձակումների հետ։
«Մենք կոչ ենք անում բոլոր կողմերին զսպվածություն ցուցաբերել, խուսափել իրավիճակի հետագա սրումից և առկա խնդիրները լուծելու համար նախապատվությունը տալ երկխոսությանն ու դիվանագիտությանը», - ասվում է հայտարարության մեջ։
