20:00 Լուրերը մեկ տողով. Ծայրահեղ շոգի զգուշացում. Իրանի դեմ ռազմական լիազորությունները սահմանափակող բանաձև

Անցած ժամվա լուրերը՝ հակիրճ և բովանդակային.

•Էկոնոմիկայի նախարարն այցելել է պետական կառավարմանն անցած «Արարատցեմենտ» գործարան՝ տեղում արտադրական գործընթացներին և առկա խնդիրներին ծանոթանալու նպատակով։

•Գագիկ Ծառուկյանին հերթական անգամ հրավիրել են հարցաքննության։

•ԱՄՆ Ներկայացուցիչների պալատն ընդունել է բանաձև, որով փորձ է արվում սահմանափակել նախագահի՝ առանց Կոնգրեսի համաձայնության Իրանի դեմ ռազմական գործողություններ սկսելու լիազորությունները։

•Միացյալ Նահանգները 200 միլիոն դոլարի մարդասիրական ֆինանսավորում է հատկացրել Կարմիր խաչի միջազգային կառույցներին՝ ճգնաժամերին արագ արձագանքման նպատակով։

•Ուկրաինայի պաշտպանության նախկին նախարարը հրաժարվել է նախագահի առաջարկած այլ պաշտոններից՝ պնդելով միայն իր նախկին աշխատանքին վերադառնալու տարբերակը։

•Առողջապահության համաշխարհային կազմակերպությունը Եվրոպայի երկրներին կոչ է արել առողջապահական համակարգերը նախապատրաստել ծայրահեղ շոգի ալիքներին՝ համավարակներին պատրաստվելու օրինակով։

•Հայաստանի հիդրոօդերևութաբանության կենտրոնը նախազգուշացրել է առաջիկա օրերին հանրապետության մի շարք տարածքներում սպասվող բարձր կարգի հրդեհավտանգ իրավիճակի մասին։