ԱՀԿ-ն կոչ է արել Եվրոպային շոգին պատրաստվել այնպես, ինչպես համավարակներին

ԱՌՈՂՋԱՊԱՀՈՒԹՅԱՆ ՀԱՄԱՇԽԱՐՀԱՅԻՆ ԿԱԶՄԱԿԵՐՊՈՒԹՅԱՆ (ԱՀԿ) Եվրոպական տարածաշրջանային գրասենյակի տնօրեն Հանս Կլյուգեն հայտարարել է, որ եվրոպական պետությունները պետք է իրենց առողջապահության համակարգերը չափազանց բարձր ջերմաստիճանի շրջաններին նախապատրաստեն նույնքան պատասխանատու, որքան համավարակներին։

ԱՀԿ Եվրոպական տարածաշրջանային գրասենյակի տնօրեն Հանս Կլյուգեն ТАСС-ին տված հարցազրույցում ընդգծել է, որ Եվրոպայի երկրները պետք է առողջապահության համակարգերը ծայրահեղ շոգի ժամանակահատվածներին պատրաստեն նույնքան լուրջ, որքան համավարակների դեպքում:

«Հիվանդանոցների պատրաստվածությանը հարկավոր է վերաբերվել նույնքան լուրջ, որքան համավարակին պատրաստ լինելուն. չափից ավելի տաքացած հիվանդասենյակները, ծանրաբեռնված անձնակազմը և շարքից դուրս եկող հովացման ու տեղեկատվական համակարգերն անընդունելի են 21-րդ դարի եվրոպական ամռան պայմաններում»,- ասել է նա:

«Այս ամռան դասերը կոնկրետ և գործնական բնույթ ունեն: Վաղ ազդարարման համակարգերը կյանքեր են փրկում միայն այն դեպքում, եթե դրանց ավտոմատ կերպով հաջորդում են վճռական միջոցառումներ հանրային առողջապահության ոլորտում, այլ ոչ թե միայն հանձնարարականներ բնակչության համար»,- նշել է փորձագետը: Որպես այդպիսի քայլեր նա առանձնացրել է առավել խոցելի քաղաքացիների վիճակի ստուգումը, հանրային վայրերի հովացումը, ինչպես նաև դրսում աշխատող մարդկանց աշխատանքային գրաֆիկի կարգավորումը:

ԱՀԿ Եվրոպական տարածաշրջանը, որը կազմակերպության վեց ստորաբաժանումներից մեկն է, ընդգրկում է Եվրոպայի և Կենտրոնական Ասիայի 53 երկիր, այդ թվում՝ Ռուսաստանը, Թուրքիան, Կովկասյան պետությունները, Ղազախստանը, Ղրղզստանը և Տաջիկստանը: