Մեր տարածքը Իրանի դեմ սպառնալիքի հարթակ չի դառնա. Իրաքի վարչապետ

Իրաքի իշխանությունները թույլ չեն տա, որ երկրի որևէ հատված օգտագործվի Իրանի դեմ սպառնալիքներ ստեղծելու կամ նրա անվտանգության ապակայունացման նպատակով։ Այս մասին հայտարարել է Իրաքի վարչապետ Ալի Ֆալեհ ալ-Զաիդին՝ Թեհրանում Իրանի նախագահ Մասուդ Փեզեշքիանի հետ հանդիպման ժամանակ։

«Իրաքի տարածքի ոչ մի կետ չի դառնա Իրանի Իսլամական Հանրապետության դեմ սպառնալիքների կամ անկայունության աղբյուր», — նրա խոսքերը փոխանցում է իրանական IRNA գործակալությունը։

Վարչապետը նշել է, որ Բաղդադը չի հանդուրժի Իրանի դեմ որևէ թշնամական գործողություն և պատրաստ է շարունակել անվտանգության ոլորտում համագործակցությունը։

Նա նաև շնորհակալություն է հայտնել Թեհրանին՝ Իրաքում «Իսլամական պետություն» խմբավորման դեմ պայքարում ցուցաբերած աջակցության համար։