18:00 Լուրերը մեկ տողով. «Առինջ մոլի» տաղավարների կապարակնքման պատճառը. ԱՄՆ-Սաուդյան Արաբիան միջուկային համաձայնագիր

Անցած ժամվա լուրերը՝ հակիրճ և բովանդակային.

•Քննչական կոմիտեն պարզաբանել է, որ «Առինջ մոլի» տաղավարների մի մասը կապարակնքվել է բարձր լարման էլեկտրահաղորդման և երկաթուղային գծերի անվտանգության գոտիներում ապօրինի գտնվելու պատճառով:

•Դատարանը որոշել է անփոփոխ թողնել պատգամավոր Արթուր Սարգսյանի տնային կալանքը,  «Սրբազան պայքար» շարժման գործով մեղադրվող Իգոր Սարգսյանի խափանման միջոցը փոխարինվել է վարչական հսկողությամբ:

•Ուկրաինայի արտաքին գործերի նախկին նախարարը զգուշացրել է ենթակառուցվածքների ոչնչացման հետևանքով երկրում ապրանքների մատակարարման սպասվող լուրջ խափանումների մասին:

•Ռուսաստանում, ըստ Պետդումայի նախագահի, վառելիքի շուկայի իրավիճակը բարելավվում է, և վերականգնվում են մատակարարումները գյուղատնտեսական ձեռնարկություններին:

•ԱՄՆ նախագահը հայտարարել է, որ Սաուդյան Արաբիայի հետ կնքվող միջուկային համաձայնագիրն ունի բացառապես քաղաքացիական նպատակներ և չի նախատեսում ուրանի հարստացում:

•Անվտանգության նկատառումներից ելնելով՝ Մեծ Բրիտանիան փակել է Իրանում իր դեսպանատունը, իսկ Ֆրանսիան տարհանել է Թեհրանի դիվանագիտական անձնակազմը:

•Հայ գրոսմայստեր Լևոն Արոնյանը, հաղթող ճանաչվելով դասական, արագ և կայծակնային մրցաշարերի ընդհանուր արդյունքներով, նվաճել է «Բիլ Չեսս ֆեսթիվըլ 2026»-ի տիտղոսը: