ԱՄՆ-ն միջուկային գործարք կնքի Սաուդյան Արաբիայի հետ, իսկ Իրանի հետ` ոչ

Սպիտակ տան մամուլի քարտուղար Քերոլայն Լիվիթը բացատրել է, թե ինչու է ԱՄՆ-ն պատրաստվում միջուկային համաձայնագիր ստորագրել Սաուդյան Արաբիայի հետ, բայց մերժում է Իրանին։

Լրագրողի այն հարցին, թե ինչու է Սաուդյան Արաբիան ստանում քաղաքացիական միջուկային ծրագրի համաձայնագիր, իսկ Իրանը՝ ոչ, Լիվիթը պատասխանել է, որ այս գործարքը նախևառաջ «Ամերիկային դնում է առաջին տեղում»։

«Այս համաձայնագիրը, այն տեսքով, ինչպես այժմ քննարկվում է, ամերիկյան ընկերությունների համար ապահովում է առաջնահերթ հասանելիություն սաուդյան քաղաքացիական միջուկային էներգետիկայի ծրագրին։ Սա ի վերջո օգուտ է բերելու ամերիկյան արդյունաբերությանը, աշխատողներին և մատակարարման շղթաներին»,- հայտարարել է Լիվիթը։

Սպիտակ տան ներկայացուցիչը հավելել է, որ փաստաթուղթն դեռ մշակվում է, սակայն դրա գլխավոր նպատակը ԱՄՆ տնտեսությանն ու աշխատատեղերին օգուտ բերելն է, ինչն էլ առանցքային է նախագահի համար։