Պուտինի ուղղաթիռը հայտնվել է ԱԹՍ-ի զանգվածային գրոհի էպիկենտրոնում․ ՌԴ ՀՕՊ դիվիզիայի հրամանատար

ՌԴ նախագահ Վլադիմիր Պուտինի ուղղաթիռը Կուրսկի մարզ կատարած այցի ժամանակ փաստացի հայտնվել է ուկրաինական անօդաչուների զանգվածային գրոհը հետ մղելու էպիկենտրոնում: Այս մասին «Ռոսիա 24» հեռուստաալիքի եթերում հայտնել է ՀՕՊ դիվիզիայի հրամանատար Յուրի Դաշկինը:

«Նախագահի ուղղաթիռը փաստացի եղել է հակառակորդի անօդաչու թռչող սարքերի զանգվածային գրոհը հետ մղելու էպիկենտրոնում»,- ասել է Դաշկինը

Հավելենք՝ ՌԴ նախագահը  աշխատանքային այցով այցելել է Կուրսկի մարզ։ Նախագահը հանդիպում է ունեցել շրջանի քաղաքապետարանների ղեկավարների հետ և ասել, որ տիրապետում է Կուրսկի մարզում տիրող իրավիճակի վերաբերյալ ամբողջ տեղեկատվությանը, քանի որ կառավարությունը, ինչպես նաև ռազմական և հատուկ ծառայությունները զեկուցում են նրան: