Արտակարգ դրություն է հայտարարվել Իսրայելում
Իսրայելի պաշտպանության բանակը նոր սահմանափակումներ է մտցրել երկրի հյուսիսային և կենտրոնական տարածքներում բնակվող քաղաքացիների համար՝ կապված «Հեզբոլլահ» շարժման հարձակումների հետ, կիրակի օրը հայտնել է Իսրայելի պաշտպանության բանակի մամուլի ծառայությունը։
«Բաց տարածքներում կարող են հավաքվել մինչև երեսուն մարդ, շենքերում՝ մինչև երեք հարյուր մարդ, կարող եք հայտնվել աշխատավայրերում և ուսումնական հաստատություններում, պայմանով, որ մոտակայքում կան գործող ռմբապաստարաններ»,-ասված է հաղորդագրության մեջ
Ավելի վաղ «Հեզբոլլահը» հայտարարել էր հարձակում սկսելու մասին՝ ի պատասխան Բեյրութի հարավային արվարձաններում իսրայելական հարվածի, որի հետևանքով սպանվել էր բարձրաստիճան հրամանատար Ֆուադ Շուքրը: Հայտարարությունների համաձայն՝ պատասխան գործողությունների առաջին փուլի շրջանակներում, որն ամբողջությամբ ավարտվել է, խոցվել են իսրայելական բանակի 11 կայանքներ, այդ թվում՝ մի քանի շտաբներ և զորանոցներ։
