Թել Ավիվի իշխանությունները բացել են քաղաքի բոլոր հանրային ռմբապաստարանները և չեղարկել հանրային միջոցառումները։ Այս մասին հայտնում է Ռիա Նովոստին՝ հղում անելով քաղաքապետարանի մամուլի ծառայությանը։

Թել Ավիվում կա 240 հանրային ռմբապաստարան։ Միաժամանակ փակվել են մշակութային հաստատություններն ու լողափերը, չեղարկվել են խոշոր քաղաքային միջոցառումները։

Ավելի վաղ Իսրայելի պաշտպանության նախարար Յոավ Գալանտը հայտարարել էր, որ երկիրը 48 ժամով արտակարգ դրություն է հայտարարել «Հեզբոլլահ» շարժման թիրախներին կանխարգելիչ հարվածից հետո։