Բելգորոդում գիշերային հարձակման զոհ է դարձել չորս մարդ, վիրավորվել՝ 20-ը
Բելգորոդի շրջանի նահանգապետ Վյաչեսլավ Գլադկովը հայտնել է, որ շրջանի վրա գիշերային հարձակման հետևանքով չորս մարդ է զոհվել, 20-ը՝ վիրավորվել։
«Չորս խաղաղ բնակիչ է զոհվել, 20 մարդ վիրավորվել է, 17-ը շարունակում են մնալ բուժհաստատություններում, երկուսի վիճակը ծանր է», - հայտնել է նահանգապետն իր թելեգրամյան ալիքում։
Նա նաև հավելել է, որ վերջին 24 ժամվա ընթացքում Բելգորոդի շրջանում վնասվել է շուրջ 160 բնակարան բազմաբնակարան շենքերում, 60 առանձնատուն և մոտ 140 ավտոմեքենա։ Գործառնական բոլոր ծառայություններն ակտիվացված են, և վերականգնման աշխատանքները շարունակվում են։
