Իրանի արտգործնախարարը` իսրայեալական գրոհը ԱԹՍ-ներով համեմատել է խաղալիքի հետ
Իրանի արտգործնախարար Ամիր Աբդոլլահիանը` պատասխանելով NBC–ի թղթակցի հարցին, թե որևէ երկիր զգուշացրել էր, որ գրոհ է լինելու, հայտարարել է, որ այն, ինչ տեղի է ունեցել, հարված չէր:
«Այդ երկու-երեք հարվածներն ավելի շատ նման էին այն խաղալիքներին, որոնցով մեր երեխաներն են խաղում, ոչ թե անօդաչու սարքերի: Դրա համար չարժեր մեզ նախապես ինչ-որ բան հաղորդել: Եթե Իսրայելը ցանկանում է արկածախնդրությամբ զբաղվել և գործել Իրանի շահերի դեմ, ապա մեր հաջորդ պատասխանը չի ուշանա։ Մենք կգործենք առավելագույն մակարդակով»,– ասել է Իրանի արտգործնախարար Ամիր Աբդոլլահիանը։
