Օկուպացված Քարվաճառում բեռնատարն ընկել է գետը. կան զոհեր, մեկի դին գետը քշել, տարել է
Օկուպացված Քարվաճառում բեռնատարն ընկել է գետը, որի հետևանքով 2 զոհ կա։ Այս մասին հայտնում են ադրբեջանական լրատվամիջոցները:
Նշվում է, որ Ռահիմ Շահբազովը (ծնված 1981 թ.) կորցրել է Howo բեռնատարի կառավարումը և մեքենան դուրս է եկել ճանապարհի երթևեկելի հատվածից՝ ընկնելով գետը։ Միջադեպի հետևանքով վարորդ Շահբազովը և ուղևոր Բախրամ Սադիգովը (ծնված 1998 թ.) մահացել են։
Հաղորդվում է, որ Շահբազովի դին գետը քշել, տարել է, այժմ փրկարարները որոնում են նրա մարմինը։
