Երևանում փրկարարները դիտահորից դուրս են բերել կնոջ մարմին
Ապրիլի 9-ին, առեղծվածային դեպք է տեղի ունեցել Երևանում։ Ահազանգ է հնչել, որ Ավան Առինջ 1-ին միկրոշրջանի շենքերից մեկի մոտ գտնվող դիտահորում կնոջ դի կա։
Ինչպես հայտնում է Shamshyan.com-ը, ժամանած փրկարարները դիտահորից դուրս են բերել Երևանի բնակիչ 70-ամյա Կ․ Ա․-ի դին։
Նշվում է, որ դեպքի փաստով Ավան և Նոր Նորք վարչական շրջանների քննչական բաժնում նախաձեռնվել է քրեական վարույթ։
Տեղի ունեցածը ինքնասպանություն է, սպանություն, թե դժբախտ պատահար, պարզվում է։
Դատաբժշկի նախնական եզրակացության համաձայն, արտաքին զննությամբ դիակի վրա բռնության հետքեր չեն հայտնաբերվել։
