Բելառուսում սկսել են զինված ուժերի մարտունակության ստուգում
Բելառուսի զինված ուժերում սկսվել է միավորումների և զորամասերի մարտական պատրաստության համալիր ստուգում: Այս մասին հայտնում են երկրի պաշտպանության նախարարությունից։
«Անձնակազմը պետք է առաջադրվի նշանակված շրջաններ, անցկացնի մի շարք վարժանքներ և մարզումներ, այդ թվում՝ մարտական հրաձգությամբ», - ասված է հաղորդագրության մեջ:
Գերատեսչությունում ընդգծել են, որ ստուգման ընթացքում նախատեսված է ռազմական տեխնիկայի տեղաշարժ, ուստի հնարավոր է քաղաքացիական տրանսպորտի երթևեկության ժամանակավոր սահմանափակում:
Ինչպես պարզաբանել է Բելառուսի զինված ուժերի գլխավոր շտաբի պետ Վիկտոր Գուլևիչը, միջոցառումն անցկացվում է հաշվի առնելով ՆԱՏՕ-ի մասշտաբային զորավարժությունները:
Ավելի վաղ Բելառուսի պաշտպանության նախարարությունում հայտարարել էին, որ տեսնում են ՆԱՏՕ-ի ՝ պատերազմին պատրաստվելու բոլոր նշանները։
