Ստոլտենբերգը հայտնել է՝ Ռուսաստանն Ուկրաինայում մոտավոր քանի զոհ և վիրավոր ունի

ՆԱՏՕ-ի գնահատականներով՝ Ռուսաստանի կորուստներն Ուկրաինայի դեմ պատերազմում վերջին շրջանում զգալիորեն աճել են։ Այս մասին Բրյուսելում հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է dw.com-ը:

Նրա հնչեցրած տեղեկատվության համաձայն՝ արևմտյան հետախուզական ծառայությունները ենթադրում են, որ սպանված և վիրավոր ռուսաստանցի զինվորների թիվը գերազանցել է 350 հազարը։ Գլխավոր քարտուղարի խոսքով՝ Ռուսաստանը շատ բարձր գին է վճարում «փոքր» տարածքային նվաճումների համար։

Ուկրաինական հարձակումները նաև խորտակեցին կամ շարքից հանեցին ռուսական Սևծովյան նավատորմի զգալի մասը, հավելել է Ստոլտենբերգը: Նա նշել է, որ օդային պատերազմում Ուկրաինան, ի թիվս այլ բաների, տապալում է կարևոր և ծախսատար հեռահար ռադիոտեղորոշման հայտնաբերման և վերահսկման ինքնաթիռներ։ 

ՆԱՏՕ-ի գլխավոր քարտուղարն այս անգամ առանձին չի նշել ռուսական կողմի զոհերի թիվը։ Հիշեցենք՝ 2023 թվականի նոյեմբերի վերջին դաշինքը հայտարարել էր, որ ՌԴ-ի զոհերի թիվը գերազանցում է 100,000-ը:

Ուկրաինայի պաշտպանության նախարարության տվյալներով՝ մարտի 14-ի դրությամբ Ուկրաինայի դեմ պատերազմում զոհված զինվորականների թիվը կազմում է 427 840 մարդ։ Ռուսական կողմն իր կորուստների մասին ճշգրիտ տեղեկատվություն չի հաղորդում։