Թուրքիան թույլտվություն չի խնդրի իր սահմանների մոտ հակաահաբեկչական գործողություն իրականացնելու համար և անհրաժեշտ միջոցներ կձեռնարկի: Այս մասին հայտարարել է ազգային պաշտպանության նախարար Յաշար Գյուլերը։ 

ՌԻԱ Նովոստիի փոխանցմամբ, Թուրքիայի զինված ուժերն ակնկալում են լայնածավալ ցամաքային գործողություններ իրականացնել Հյուսիսային Իրաքում Քրդստանի աշխատավորական կուսակցության (PKK) զինյալների դեմ, որոնք արգելված են երկրում, պայմանավորվածություն է ձեռք բերվել Բաղդադի վարչակազմի հետ, ավելի վաղ հայտնել էր Hürriyet թերթը։

«Երբ խոսքը վերաբերում է մեր երկրի անվտանգությանը, մենք ոչ մեկից ոչինչ չենք խնդրում և անում ենք այն, ինչ անհրաժեշտ է: Ոչ ոք չպետք է մոռանա, որ Թուրքիայի Հանրապետությունը մեծ պետություն է: Մենք որևէ մեկի հրամանին չենք ենթարկվել և չենք ենթարկվի»,- ասել է Գյուլերը Hürriyet թերթին՝ քննարկելով ԱՄՆ-ի և Ռուսաստանի հնարավոր արձագանքը Թուրքիայի լայնածավալ գործողությանը։