Լիբանանում իսրայելական հարվածի հետեւանքով վնասազերծվել է շիական «Հեզբոլլահ» կազմակերպության Ռադվանի հատուկ նշանակության ջոկատի բարձրաստիճան հրամանատար Ջավադ ալ Թավիլը։ Այս մասին հայտնում է Reuters գործակալությունը՝ վկայակոչելով անվտանգության երեք աղբյուրներ։

Նա պատասխանատու էր Իսրայելի տարածքի վրա հարձակումների համար։

Անվտանգության աղբյուրների տեղեկություններով՝ Իսրայելը հարձակվել է Լիբանանի հարավի վրա։ Ինչպես նշում է Reuters-ը, հոկտեմբերի 7-ից Լիբանանում «Հեզբոլլահի» ավելի քան 130 անդամ է սպանվել։