Մոտ 250 անհետ կորած. Ճապոնիայի երկրաշարժի հետևանքները
Ճապոնիայում տեղի ունեցած երկրաշարժի հետևանքով մոտ 250 մարդ անհետ կորել է, ողջ մնացածներին գտնելու հույս գրեթե չկա։ Այս մասին հայտնում է BBC-ի ռուսական ծառայությունը։
72-ժամյա «հնարավորությունների պատուհանը», որի ընթացքում փլուզված շենքերի փլատակներում ողջ մնացածներին գտնելու մեծ հավանականություն կա, ավարտվեց հինգշաբթի ուշ երեկոյան:
Երկուշաբթի՝ հունվարի 1-ին, 7,6 մագնիտուդ ուժգնությամբ երկրաշարժ է տեղի ունեցել Ճապոնիայի արևմտյան Նոտո թերակղզում: Ուրբաթ օրը աղետի զոհերի թիվը հասել է 92-ի։
Ճապոնիայի ինքնապաշտպանության ուժերը կրկնապատկել են փրկարարական աշխատանքներին մասնակցողների թիվը։ Այժմ խոսքը 4600 մարդու մասին է, հայտնում է Kyodo գործակալությունը։
Փրկարարները կարծում են, որ շատ մարդիկ մնացել են փլուզված տների տակ, հիմնականում՝ Սուզու և Վաջիմա քաղաքներում:
