Ուկրաինան պատերազմի նոր տեխնոլոգիա է ցուցադրել

Ուկրաինան պատերազմի նոր փուլ է բացել՝ առաջին անգամ իրականացնելով հարձակում, որի ընթացքում մեկ անօդաչու թռչող սարքը տեղափոխել և կիրառել է մեկ այլ անօդաչու սարք։ Այս մասին գրում է Forbes-ը։

Հրատարակության տվյալներով՝ ծանր բեռնատար ԱԹՍ-ն հակառակորդի թիկունք է հասցրել ARK-1 անվանումով անօդաչու ցամաքային սարք, որը զինված է եղել հակատանկային ականով։

Forbes-ի գնահատմամբ՝ այս տեխնոլոգիան թույլ է տալիս հարվածներ հասցնել մեծ հեռավորության վրա՝ նվազեցնելով զինծառայողների համար ռիսկերը և հաղթահարելով ցամաքային անօդաչու սարքերի շարժունակության սահմանափակումները։

Հրատարակությունը նշում է, որ նման համակարգերը կարող են փոխել ապագայի պատերազմի բնույթը, որտեղ մարտական գործողությունների մեծ մասը կիրականացնեն ինքնավար սարքերը։ Նշվում է նաև, որ Ուկրաինան նպատակ ունի ռազմաճակատում իր ուժերի մինչև 30%-ը փոխարինել անօդաչու ցամաքային համակարգերով։