ՏԵՍԱՆՅՈՒԹ. Ո՛չ Ծառուկյանին, ո՛չ ինձ ոչինչ էլ չեն կարող անել. Սամվել Կարապետյան

Դատարանի բակում լրագրողների հետ զրույցում գործարար Սամվել Կարապետյանն անդրադարձել է իր և մյուս մեղադրյալների դեմ ներկայացված շուրջ 6,8 մլրդ դրամի գույքային հայցին՝ այն անվանելով ապօրինի։

«Սա սովորական, անիմաստ դատական գործընթաց է։ Ուրիշ ձևով չեն կարողանում առաջ գնալ, դրա համար ուզում են մարդկանց գրպաններից ինչ-որ բան վերցնել»,- ասել է նա։

Լրագրողի հարցին, թե արդյոք հնարավոր բռնագանձումը կազդի իր կարողության վրա, Կարապետյանը պատասխանել է, որ իրեն ոչինչ չի սպառնում:Պ

«Իմ հնարավորությունները չեն պակասի, եթե պետք լինի՝ էլի կավելացնենք։ Այդ շնորհքը ունենք: Հլը պիտի մարսեն խլելը։ Մի քայլ անելն ուրիշ է, մարսելն՝ ուրիշ»,- Անդրադառնալով ՀԷՑ-ի շուրջ ստեղծված իրավիճակին՝ նա նշել է, որ, իր գնահատմամբ, ընկերությունը «խլել են»:

Կարապետյանը նաև արձագանքել է ՀԷՑ-ի ժամանակավոր կառավարման ղեկավար Ռոմանոս Պետրոսյանի աշխատավարձի վերաբերյալ հարցին՝ նշելով, որ դրա չափի մասին տեղեկություն չունի։

«Բոլորը մի օր պատասխան են տալու իրենց արածի համար»։,- խորհրդարանում բարեկրթության վերաբերյալ ՔՊ-ի հայտարարություններին անդրադառնալով` նշել է Կարապետյանը: