20:00 Լուրերը մեկ տողով. ՀԷՑ-ի շուրջ կարևոր որոշումներ, հնագիտական բացահայտում և աշխարհաքաղաքական նոր զարգացումներ

Անցած ժամվա լուրերը՝ հակիրճ և բովանդակային.

•  Կառավարությունը նախատեսում է «Հայաստանի էլեկտրական ցանցեր» ընկերության բաժնետոմսերի 100 տոկոսը ճանաչել հանրային գերակա շահ, փոխհատուցում վճարել սեփականատերերին և ՀԷՑ-ը դարձնել ամբողջությամբ պետական ընկերություն։ 

• Երևանի Սիլիկյան թաղամասում իրականացվող պեղումների ընթացքում հայտնաբերվել է շուրջ 34 քարաշեն սենյակներից բաղկացած հնագույն բնակավայր, որը կպահպանվի «Ակադեմիական քաղաք» ծրագրի շրջանակում։ 

•  ԱՄՆ-ի 25 նահանգներ դատական հայց են ներկայացրել Դոնալդ Թրամփի վարչակազմի դեմ՝ վիճարկելով նոր մաքսատուրքերի օրինականությունը։ 

•  Վրաստանի վարչապետ Իրակլի Կոբախիձեն հայտարարել է, որ «օտարերկրյա գործակալական ցանցերը» սպառնալիք են ազգային ինքնությանը և պետք է դրանց հակազդել օրենքի շրջանակում։ 

•  Վլադիմիր Պուտինը ստորագրել է օրենք, որով արտերկրում գտնվող և պատժից խուսափող ռուսաստանցիների համար սահմանվում են լայնածավալ ֆինանսական, գույքային և վարչական սահմանափակումներ։ 

•  Կատարը հայտարարել է, որ շարունակում է միջնորդական ջանքերը ԱՄՆ-ի և Իրանի միջև, սակայն կողմերի ուղիղ բանակցություններ այս փուլում նախատեսված չեն։