ԼՈՒՍԱՆԿԱՐՆԵՐ. Հրդեհ՝ Վանաձորի դպրոցներից մեկում. ինչ է հայտնի
Հունվարի 5-ին, ժամը 05։01-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Լոռու մարզի Վանաձոր քաղաքի դպրոցներից մեկի նախկին մասնաշենքում։ Այս մասին հայտնում է ՀՀ ՆԳՆ փրկարար ծառայությունը:
Նշվում է, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
«Պարզվել է, որ հրդեհը բռնկվել է Դպրոցի փողոցի մեկ հարկանի շինության (դպրոցի նախկին մասնաշենք) տանիքում (մոտ 1000 քմ)։ Հայտարարվել է հրդեհի բարդության «Թիվ 2» աստիճան։ Դեպքի վայր են մեկնել ևս 2 մարտական հաշվարկ և մեկ ջրատար։ Հրդեհը մեկուսացվել է ժամը 05։49-ին»,– գրված է հաղորդագրության մեջ։
