Դատապարտյալները կգնան պատերազմ. Պուտինի նոր հրամանագիրը

ՌԴ նախագահ Վլադիմիր Պուտինը ստորագրել է օրենք, որով կրճատվում է այն հանցագործությունների ցանկը, որոնց առկայության դեպքում քաղաքացիները չեն կարող պայմանագիր կնքել պաշտպանության նախարարության հետ մոբիլիզացիայի ընթացքում։

Փոփոխություններով ցանկից հանվել են ոչ մեծ և միջին ծանրության մի շարք հանցագործություններ, ինչպես նաև զենքի և պայթուցիկ նյութերի շրջանառության, անվտանգության կանոնների խախտման, ինչպես նաև որոշ զինվորական և տրանսպորտային հանցագործությունների առանձին կազմեր։

Միաժամանակ, ուժի մեջ է մնում արգելքը այն անձանց համար, որոնք դատվածություն ունեն կամ գտնվում են քննության տակ մանկապղծության, ահաբեկչության, պետական դավաճանության, լրտեսության, դիվերսիայի, ծայրահեղականության, շորթման և պետության ու հասարակական անվտանգության դեմ ուղղված մի շարք այլ ծանր հանցագործությունների գործերով։

Այսինքն` մինչև հիմա որոշ դատապարտյալներ չէին կարող պայմանագիր կնքել ՌԴ պաշտպանության նախարարության հետ և մեկնել պատերազմ, սակայն օրենքի ուժի մեջ մտնելուց հետո նրանք կգնան մարտադաշտ:

Օրենքն արդեն հրապարակվել է և ուժի մեջ է մտել։