Իրանում ձերբակալվել են Քերմանում ահաբեկչության մասնակիցները
Իրանի Քերման նահանգում տեղի ունեցած ահաբեկչության մասնակիցները ձերբակալվել են: Այս մասին հայտնում է IRNA գործակալությունը՝ հղում անելով Իրանի ներքին գործերի նախարար Ահմադ Վահիդիին:
«Հետախուզական համակարգերը կարողացել են ահաբեկչության հետքերը գտնել: Այս միջադեպի հետ կապված մի շարք անձինք բերման են ենթարկվել: Նրանց մասին ավելի ուշ տեղեկատվություն կտրամադրվի»,- ասել է նախարարը:
Ավելի վաղ «Իսլամական պետություն» ահաբեկչական կազմակերպությունը ստանձնել էր Իրանում տեղի ունեցած ահաբեկչության պատասխանատվությունը։ Պայթյունների հետևանքով զոհվել է 89 մարդ, որոնցից 12-ը մինչև 15 տարեկան երեխաներ են։ Ընդհանուր առմամբ տուժել է 284 մարդ:
