ՏԵՍԱՆՅՈՒԹ․ Բնակելի շենքի վրա իսրայելական հրթիռի ընկնելու պահը

Տելեգրամյան ալիքներում տարաշվում է տեսանյութ, որտեղ երևում է Խան-Յունիսում բնակելի շենքի վրա իսրայելական հրթիռի ընկնելու պահը:

Գազայի հատվածի տարբեր հատվածներում Իսրայելի կողմից շարունակվող ռմբակոծությունների հետևանքով վերջին 24 ժամվա ընթացքում տասնյակ պաղեստինցիներ են զոհվել, որոնց մեծ մասը կանայք և երեխաներ են: Այս մասին հայտնում է WAFA պաղեստինյան լրատվական գործակալությունը։

Նրա հաղորդմամբ՝ Խան Յունիսից արեւելք ընկած Ալ-Ֆոխարի շրջանում հարվածի զոհերի թիվը հասել է 11-ի, տասնյակ մարդիկ վիրավորվել են։ Գազայի հատվածի հարավում գտնվող Ռաֆահ քաղաքում բնակելի շենքի գնդակոծման հետևանքով առնվազն 20 մարդ է զոհվել։

Իսրայելական ինքնաթիռները մի շարք հարձակումներ են իրականացրել Գազայի կենտրոնական մասում՝ հարվածելով Մագազի փախստականների ճամբարին, ինչի հետևանքով զոհվել է 14 խաղաղ բնակիչ։