Իրավիճակը՝ Գազայում վերջին ժամերին

Իսրայելի օդուժը հարվածներ է հասցրել Գազա քաղաքի և կենտրոնական պաղեստինյան անկլավի այլ բնակավայրերի թիրախներին, այդ թվում՝ Դեյր ալ Բալահին։ Այս մասին հայտնում է իսրայելական Walla լրատվական պորտալը, փոխանցում է ՏԱՍՍ-ը։

Al-Jazeera հեռուստաալիքին էլ հաղորդում է, որ Գազայի հատվածում Ջաբալիյա փախստականների ճամբարին իսրայելական հարվածների հետևանքով տասնյակ մարդիկ են զոհվել։ 

«Գազայի հյուսիսում գտնվող Ջաբալիյա փախստականների ճամբարի բնակելի շենքերի վրա իսրայելական հրթիռային և հրետանային հարվածների հետևանքով տասնյակ մարդիկ են զոհվել», - ասվում է հեռուստաալիքի հայտարարության մեջ:

Հաղորդվում է, որ գիշերային հարձակումը թույլ չի տվել փրկարարներին ու բուժաշխատողներին հասնել ավերված թաղամասեր։

Հիշեցնենք՝ իրավիճակը Մերձավոր Արևելքում կտրուկ սրվել է հոկտեմբերի 7-ին Գազայի հատվածից Իսրայելի տարածք պաղեստինյան արմատական ​​ՀԱՄԱՍ շարժման զինյալների ներթափանցումից հետո, որն ուղեկցվել է սահմանամերձ բնակավայրերի բնակիչների սպանությամբ և ավելի քան 200 պատանդների, այդ թվում՝ երեխաների, կանանց և տարեցների գերեվարմամբ։

ՀԱՄԱՍ-ը հարձակումն անվանում է պատասխան Իսրայելի գործողություններին Երուսաղեմի Ալ-Աքսա մզկիթի դեմ։ Իսրայելը հայտարարել է Գազայի հատվածի ամբողջական շրջափակման մասին և ռազմական գործողություն սկսեց այդ գոտում։ Հրթիռակոծություններին ի պատասխան առանձին հարվածներ են հասցվում նաև Լիբանանի և Սիրիայի սահմանային շրջաններին։