Միջերկրական ծովը կարող է արգելափակվել. Մոհամմադ Ռեզա Նագդի
Միջերկրական ծովը կարող է արգելափակվել, եթե ԱՄՆ-ն շարունակի «հանցագործություններ» կատարել Գազայի հատվածում: Այս մասին հայտարարել է Իսլամական հեղափոխության պահապանների կորպուսի գլխավոր հրամանատարի տեղակալ, գեներալ Մոհամմադ Ռեզա Նագդին։ Վերջինիս խոսքերը մեջբերում է ТАСС-ը:
«Եթե Միացյալ Նահանգների և նրա դաշնակիցների հանցագործությունները Գազայի հատվածում շարունակվեն, ապա նրանք կտեսնեն դիմադրության նոր ուժերի ի հայտ գալը և ջրային ուղիների փակումը, որոնք դեռ հասանելի են նրանց», - ասել է նա։
Նագդին չի հստակեցրել, թե ում կողմից և ինչպես կարող է կազմակերպվել Միջերկրական ծովի ջրային տարածքի շրջափակումը:
