Չեմ կարծում, որ որևէ մեկը ցանկանում է զենք մատակարարել Հայաստանին․ Յան Նոլտեն

Գերմանիայի խորհրդարանում չեն դիտարկում Հայաստանին զենք մատակարարելու հնարավորությունը: Այս մասին «Իզվեստիա»–ին հայտնել է Բունդեսթագի պաշտպանության հարցերով հանձնաժողովի անդամ Յան Նոլտեն։

«Իշխանությունները ցանկանում են շարունակել զենքով աջակցել Ուկրաինային, իսկ դա արդեն բարդ է ներկա իրավիճակում։ Պարզ չէ նաև, թե ինչպես է հետագայում զարգանալու իրավիճակը Իսրայելում և Գազայի հատվածում: Չեմ կարծում, որ որևէ մեկը ցանկանում է զենք մատակարարել Հայաստանին։ Ամեն դեպքում, դա պաշտպանության կոմիտեի օրակարգում չէ», - հայտարարել է Յան Նոլտեն։

Ավելի վաղ հայտնել էինք, որ Եվրամիությունը մտադիր չէ մարզել հայ զինվորականներին։