Ինչ խնդիրներ ունի Ուկրաինան ռազմաճակատում
Ուկրաինական զորքերն առաջնագծում բախվում են հրետանային արկերի պակասի հետ և արտաքին օգնության պակասի պատճառով դադարեցրել են որոշ ռազմական գործողություններ: Այս մասին BBC-ի փոխանցմամբ՝ գրում Է Reuters-ը ՝ հղում անելով Տավրիա օպերատիվ-ռազմավարական խմբի զորքերի հրամանատար Ալեքսանդր Տարնավսկուն։
Նրա խոսքով՝ այսօր այդ խնդիրները գոյություն ունեն առաջնագծի ողջ երկայնքով։
«Այն ծավալները, որ այսօր ունենք, բավարար չեն մեր կարիքները բավարարելու համար։ Դրա համար մենք դրանք վերաբաշխում ենք։ Մենք վերապլանավորում ենք մեր առջեւ դրված խնդիրները և կրճատում դրանք»,- հավելել է Տարնավսկին։
Աղբյուրը նաև հավելել է, որ ռուս զինվորականները նույնպես խնդիրներ ունեն զինամթերքի հետ կապված՝ չնշելով, թե որոնք են դրանք:
