Սիրիայում հրթիռակոծվել է ԱՄՆ-ի ռազմաբազան
Սիրիայի հյուսիս-արևելքում գտնվող Էլ-Հասիկա նահանգի Աշ-Շադդադի քաղաքի նավթահանքերի ամերիկյան բազան հրթիռակոծության է ենթարկվել: Այս մասին ՌԻԱ Նովոստիին հայտնել է տեղի աղբյուրը:
Աղբյուրի համաձայն՝ բազան գնդակոծվել է 4 հրթիռով։
«Հրթիռներն ընկել են Ալ Ջաբսի հանքավայրերի տների շրջանում, որոնք ամերիկյան զորքերը զբաղեցնում են որպես բազա»,- ասել է աղբյուրը:
Ավելի վաղ Պենտագոնի մամուլի քարտուղարի տեղակալ Սաբրինա Սինգհը հայտնել էր, որ Իրաքում և Սիրիայում ԱՄՆ օբյեկտների վրա հարձակումների թիվը հասել է 78-ի, տուժել է 66 զինվորական:
