Իսրայելի բանակի զոհերի թիվը` վերջին տվյալներով
Էսկալացիայի ժամանակ զոհված իսրայելական զորքերի թիվը հասել է առնվազն 291-ի, հաղորդում է Haaretz-ը՝ վկայակոչելով Իսրայելի պաշտպանության բանակի ներկայացուցիչ Դանիել Հագարիին, փոխանցում է ՌԻԱ Նովոստին:
Ավելի վաղ Times of Israel-ը, հղում անելով Իսրայելի պաշտպանության բանակին, գրել էր, որ իսրայելական բանակի էսկալացիայի ժամանակ զոհերի թիվը հասել է 289-ի։
Հիշեցնենք, որ հոկտեմբերի 7-ին ՀԱՄԱՍ-ի ավելի քան 1500 զինյալներ ճեղքել էին անվտանգության պատնեշը և Գազայի հատվածից ներխուժել Իսրայել։ Իսրայելը պատերազմ է հայտարարել ՀԱՄԱՍ-ին և հարվածներ է հասցնում հարյուրավոր թիրախների։ Իսրայելը նաև Գազայի լիակատար պաշարում է սկսել՝ դադարեցնելով ջրի, էլեկտրաէներգիայի, վառելիքի, սննդի և այլ ապրանքների մուտքը։
Իսրայելում զոհերի թիվը գերազանցել է 1400-ը։ 150 մարդ պատանդ է վերցվել ՀԱՄԱՍ-ի կողմից։ Պաղեստինյան կողմում զոհերի թիվը, ըստ Առողջապահության նախարարության, հասել է 2808-ի։ Նրանցից 2750-ը զոհվել է Գազայում, 58-ը՝ Հորդանան գետի արևմտյան ափին։ Երկու կողմերից վիրավորների թիվը 10 950 է, այդ թվում՝ 9700-ը՝ Գազայում։
