«Այդ գործողություններից ոչ մեկի ընթացքում նրանց չի հաջողվել զգալի հաջողությունների հասնել». Շոյգու
Ռուսաստանի նախագահ Վլադիմիր Պուտինի նախագահությամբ այսօր կայացած խորհրդակցության ժամանակ ՌԴ պաշտպանության նախարար Սերգեյ Շոյգուն ասել է, որ ռուսական զորքերը ռազմաճակատի մի շարք հատվածներում տակտիկական բարելավում ունեն:
«Հակառակորդի հարձակվելու փորձերը գործնականում բոլոր ուղղություններում բախվում են մեր ակտիվ պաշտպանությանը։ Ռազմաճակատի բազմաթիվ հատվածներում մեզ հաջողվում է բարելավել տակտիկական վիճակը։ Ըստ էության, որևէ տեղ մենք թույլ չենք տվել, որ հակառակորդը առաջխաղացում արձանագրի։
Ուկրաինական իշխանությունների կողմից պլանավորված գարնանային և ամառային հարձակումները անցյալում են, այժմ ընթանում է աշնանայինը, և այդ գործողություններից և ոչ մեկի ընթացքում նրանց չի հաջողվել զգալի հաջողությունների հասնել», - ասել է Շոյգուն:
