«Իսրայելը կհաղթի այս պատերազմում». երկրի ՊՆ նախարարի հայտարարությունը

Իսրայելի պաշտպանության նախարար Յոավ Գալանտը հայտարարել է, որ ՀԱՄԱՍ ահաբեկչական խմբավորումը «լուրջ սխալ» է թույլ տվել՝ հանկարծակի հարձակում սկսելով Իսրայելի վրա, հաղորդում Է Times of Israel-ը, գրում է rbc.ru-ն:

«Այսօր առավոտյան ՀԱՄԱՍ-ը լուրջ սխալ թույլ տվեց և պատերազմ սկսեց Իսրայել պետության դեմ։ ՑԱԽԱԼ-ի զինվորները թշնամու դեմ կռվում են ներթափանցման բոլոր վայրերում», - լրագրողներին ասել է Գալանտը։

«Իսրայելի պետությունը կհաղթի այս պատերազմում», - հավելել է նա:

Իսրայելական բանակի տվյալներով՝ զինյալները մուտք են գործել Իսրայելի տարածք սահմանամերձ շրջաններում: Իսրայելը բախումների ընթացքում կորցրել է վերահսկողությունը երկրի հարավային մասում գտնվող Սդերոտ քաղաքի ոստիկանական բաժանմունքի նկատմամբ, գրում Է Al Jazeera-ն: