Պայթյուն՝ Օդեսայում Չինաստանի գլխավոր հյուպատոսության մոտ
Հինգշաբթի օրը Օդեսայում Չինաստանի գլխավոր հյուպատոսության մոտ պայթյուն է տեղի ունեցել, շենքը վնասվել է, դիվանագիտական հաստատության աշխատակիցները տարհանվել են, տուժածներ չկան, հայտնել է Չինաստանի ԱԳՆ ներկայացուցիչը։
«Օդեսայում Չինաստանի գլխավոր հյուպատոսության մոտ պայթյուն է որոտացել, պատի մի մասը և պատուհանի ապակիները հարվածային ալիքից տապալվել են»,- ասել է դիվանագետը՝ պատասխանելով լրագրողների հարցին, թե արդյոք վնասը պատճառվել է Ռուսաստանի Դաշնության կողմից Օդեսայի գնդակոծության հետևանքով։
Պատասխանը տեղադրված է Չինաստանի ԱԳՆ կայքում։
Նշվում է, որ դիվանագիտական հաստատության անձնակազմը տարհանվել է, տուժածներ չկան։
«Չինաստանը մեծ ուշադրություն է դարձնում համապատասխան միտումներին, շարունակում է շփվել համապատասխան կողմերի հետ և ձեռնարկում է բոլոր անհրաժեշտ միջոցները՝ Ուկրաինայում չինական հաստատությունների և անձնակազմի անվտանգությունն ապահովելու համար»,- ընդգծել է դիվանագետը։
