Նոր Մոսկվայում երկու անօդաչու թռչող սարք է ընկել․ 80 երեխա տարհանվել է

Անօդաչու թռչող սարք է ընկել Նոր Մոսկվայի «Արևային քաղաք» մանկական ճամբարի տանիքին։ Տարհանվել է 80 երեխա։ 

«Կվադրոկոպտերը հայտնաբերվել է Տրոիցկի վարչական շրջանի Վորոնովսկոե բնակավայրի հանգստի կենտրոնի խաղահրապարակի տարածքում, տեղում աշխատում են շտապօգնության ծառայությունները»,- հայտնում է Shot թելեգրամյան ալիքը։ 

Ինչպես հաղորդում է Mash հեռագրային ալիքը, եղել է երկու անօդաչու թռչող սարք՝ մեկն ընկել է մանկական ճամբարի վրա, իսկ երկրորդը՝ Հաշմանդամների և պատերազմի վետերանների վերականգնողական կենտրոնի տարածքում։