Ավտովթար՝ Գեղարքունիքում․ կան զոհ և վիրավորներ

Գեղարքունիքի մարզում ճանապարհատրանսպորտային պատահարի հետևանքով 1 մարդ է մահացել, երկուսը` տուժել։ Տեղեկությունը հայտնում է shamshyan.com–ը։
 

Ըստ հաղորդագրության` «Nissan Tida» մակնիշի ավտոմեքենան այսօր` ժամը 16։30-ի սահմաններում, Սևան-Մարտունի-Գետափ ավտոճանապարհի Ծովազարդ գյուղի վարչական տարածքում դուրս է եկել երթևեկելի գոտուց և կողաշրջված հայտնվել ճամփեզրի փոսում։
 

Տուժածներին ավտոմեքենայից դուրս բերելու համար փրկարարները պարաններ և հատուկ տեխնիկա են օգտագործել, ապա ավտոմեքենայի միջից դուրս են բերել կնոջ դի։
 

Տուժածները տեղափոխվել «Գավառ» բժշկական կենտրոն։ Ոստիկանությունն ու քննչական բաժինը պարզում են վարորդի, մահացածի և տուժածների ինքնությունը։
 

Ըստ կայքի` վարորդն ու ուղևորները կանայք են։