Նոր մանրամասներ «Մեյմանդար» կոչվող գյուղմթերքի շուկայի հրդեհից

Գայ գյուղի «Մեյմանդար» կոչվող գյուղմթերքի շուկայի պարսպի մոտակայքում այրվել են կուտակված պլաստմասե արկղեր։ Այս մասին հայտնում են ՆԳՆ Փրկարար ծառայությունից:

«Հուլիսի 4-ին, ժամը 20։16-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գայ գյուղի «Մեյմանդար» կոչվող գյուղմթերքի շուկայում այրվում է պլաստմասե տարաների պահեստ: 

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ:

Հրդեհը մեկուսացվել է ժամը 20:43-ին, մարվել՝ 21:19-ին: Շուկայի պարսպի մոտակայքում այրվել են կուտակված պլաստմասե արկղեր (մոտ 500 քմ տարածքում)»:

Հրդեհի տեսակադրերը՝ այստեղ։