ՏԵՍԱՆՅՈՒԹ. Իրավիճակը` Ֆրանսիայում. Մարսելում զենքի խանութ են թալանել

Ֆրանսիայում անկարգությունները շարունակվում են։ Ինչպես գրում է Le Figaro թերթը, Մարսելում զենքի խանութ են թալանել։

Բացի այդ, անկարգությունների մասնակիցները ջարդել են տարբեր խանութների ապակիներ, թալանվել են մի քանի բուտիկներ, այդ թվում՝ ոսկերչական խանութ։  Հստակ վնասը հնարավոր չէ նշել, քանի որ անկարգությունները միայն ուժեղանում են, և ցանցում հայտնվում են վանդալիզմի և կողոպուտի ավելի ու ավելի շատ դրվագներ։  Անկարգությունների մասնակիցները այրել են ավտոմեքենաներ և պիրոտեխնիկայով հարվածել իրավապահներին։

BFMTV հեռուստաալիքի տվյալներով՝ Մարսելում արդեն 50 մարդ է բերման ենթարկվել։  Քաղաքի փողոցներում տեսել են RAID հատուկ նշանակության ուժերի։

Հունիսի 27-ին Նանտերում 17-ամյա վարորդը հրաժարվել է ենթարկվել ճանապարհային ոստիկանությանը և սպանվել է ոստիկանի կրակոցից։  Նրա մահը անկարգություններ է առաջացրել Նանտերում, որոնք հետո տարածվեցին Ֆրանսիայի այլ կոմունաներում և խոշոր քաղաքներում, ինչպիսիք են Դիժոնը, Լիլը, Լիոնը, Մարսելը, Ստրասբուրգը և Թուլուզը: