Կախովկայի ՀԷԿ-ի ավերման հետևանքով զոհերի թիվը հասել է յոթի

Խերսոնի մարզում Կախովկայի հիդրոէլեկտրակայանի ամբարտակի ավերման հետևանքով զոհվածների թիվը հասել է յոթի։ Այս մասին իր թելեգրամյան ալիքում հայտնել է ՌԴ շրջանային վարչակազմի ղեկավար Վլադիմիր Սալդոն, գրում է RTVI-ը։ 

Սալդոյի խոսքով՝ 62 տուժած հոսպիտալացվել է, նրանք բժիշկների հսկողության տակ են գտնվում «առաջնագծի 15 կիլոմետրանոց գոտուց» դուրս գտնվող բուժհաստատություններում։ 

Հեղեղված տարածքներից տարհանվել է 5000 բնակիչ, այդ թվում՝ 178 երեխա և 62 սահմանափակ շարժողունակություն ունեցող մարդ։ Մոտ հազար մարդ հունիսի 8-ի երեկոյի դրությամբ մնում է ժամանակավոր կացարաններում