Կանադայի Նոր Շոտլանդիա նահանգի Հալիֆաքս բնակավայրից՝ հսկայական անտառային հրդեհի հետևանքով ավելի քան 16 հազար մարդ է տարհանվել։ 

Տարհանումն իրականացվել է քաղաքի միանգամից մի շարք շրջաններում, այդ թվում` Համոնդս–Փլեյնսում, Ափեր–Տանտալոնում և Փոքվոքում։

Հիշեցնենք՝ ավելի վաղ հայտնել էինք, որ երեկ Կանադայում անտառային հրդեհների պատճառով արտակարգ դրություն է հայտարարվել։ Արտակարգ դրությունը կգործի 7 օր, եթե տեղի իշխանությունները չչեղարկեն կամ չերկարացնեն այն։